६६ हजार प्रहरीले लगाए पूर्ण खोप
काठमाडौं । नेपाल प्रहरीका ६६ हजार ३१९ जना सुरक्षाकर्मीले पूर्ण खोप लगाएका छन् । कोभिड-१९ संक्रमण रोकथामका लागि फ्रन्टलाइनमा खटिने प्रहरी कर्मचारीलाई अनिवार्य खोप लगाउन प्रहरी प्रधान कार्यालयले सर्कुलर गरेको छ ।
माघ १७ सम्ममा ७० हजार ७० जनाले पहिलो डोज खोप लगाएको नेपाल प्रहरीका प्रवक्ता (एसएसपी) विष्णुकुमार केसीले बताए । प्रवक्ता केसीका अनुसार २७ हजार ५५ जना प्रहरी कर्मचारीले बुस्टर डोज लगाएका छन् ।