तमोर र काबेली नदीमा जल सतहले सतर्कता तह पार गर्यो, सचेत रहन आग्रह
ताप्लेजुङ । लगातारको मनसुनका कारण देशभरका नदीनालामा जल सतह ह्वातै बढेको छ । केहि दिनदेखिको लगातारको बर्षाका कारण पूर्वी नेपालका नदीनालामा जल सतह बढेको छ ।
पाँचथरस्थित तमोर नदी माझिटारमा जल सतहले सतर्कता तह पार गरेको जल तथा मौसम विज्ञान विभागले जनाएको छ । सो क्षेत्रमा यसअघि नै एसएमएस अलर्ट पठाई सकिएको विभागले जनाएको छ । उक्त नदीको तटीय क्षेत्रमा बस्नेलाई सतर्क रहन पनि विभागले आग्रह गरेको छ ।
यस्तै ताप्लेजुङ्गको काबेली नदीमा पनि जल सतहले सतर्कता तह पार गरेको छ । बहाव बढ्दो क्रममा रहेकाले काबेली र तमोर नदीको तटीय क्षेत्रमा रहनेहरूले उच्च सतर्कता अपनाउन पनि विभागले अनुरोध गरेको छ ।
