माओवादी वरिष्ठ उपाध्यक्षमा नारायणकाजी ‘निश्चित’
काठमाडौँ । नेकपा माओवादी केन्द्रको वरिष्ठ उपाध्यक्षमा नारायणकाजी श्रेष्ठ चयन हुने निश्चित जस्तो देखिएको छ । आज जारी केन्द्रीय कमिटी बैठकमा अध्यक्ष प्रचण्डले यस्तो संकेत गरेका हुन् ।
आजको बैठकमा पोलिटब्युरो र स्थायी कमिटीको घोषणा गरेपश्चात प्रचण्डले पदाधिकारीबारे बोलेका थिए । उनले गृहकार्य नपुगेको भन्दै पदाधिकारी टिमको घोषणा गर्न केही दिन समय मागे । तर वरिष्ठ उपाध्यक्षणमा नारायणकाजीको नाम लिएका थिए ।
प्रचण्डले भने, ‘वरिष्ठ उपाध्यामा त नारायणकाजीको बिकल्प को छ र ? खगराजजीले पढ्नु हुन्छ, मात्रिकाजीले विरोध गरिहाल्नु हुन्छ ।’ उनले सबैको अनुहार उज्यालो हुने गरी आफूले पदाधिकारी टिम घोषणा गर्ने बताएका छन् ।