रातमा पाँच घण्टा वा कम सुत्ने मानिसलाई स्वास्थ्यसम्बन्धी धेरै समस्या
लन्डन । रातमा पाँच घण्टा वा कम सुत्ने ५० वर्ष वा माथिका मानिसहरूलाई लामो समयसम्म आराम गर्ने साथीहरूको तुलनामा उमेर बढ्दै जाँदा धेरै पुरानो रोगहरू विकास गर्ने जोखिम बढी हुने एउटा ठूलो नयाँ अध्ययनले देखाएको छ । अस्वस्थताले निद्रामा बाधा पुर्याउन सक्छ तर न्युन निद्रा पनि पूर्वसूचना वा आफैंमा खतरा हुन सक्ने अनुसन्धानकर्ताहरूले जनाएका छन् ।
कि निद्राले शरीर र दिमागलाई पुनस्र्थापना, आराम गर्न मद्दत गर्दछ । पीएलओएस मेडिसिन अध्ययनले बेलायतका निजामती कर्मचारीहरूको स्वास्थ्य र निद्रा ट्रयाक गरेको थियो । करिब ८ हजार सहभागीमध्ये सबैलाई सोधिएको थियोः तपाईं औसत हप्ताको रातमा कति घण्टा सुत्नु हुन्छ ? कसै–कसैले नाडी घडी स्लीप ट्रयाकर पनि लगाएका थिए ।
उनीहरूलाई मधुमेह, क्यान्सर र हृदय रोगसहित पुरानो अवस्थाहरूको लागि जाँच गरियो । अध्ययनअनुसार ५० वर्षको उमेरमा पाँच घण्टा वा कम सुत्नेहरूलाई सात घण्टा सुत्नेहरूको तुलनामा धेरै रोगहरूको जोखिम ३०% बढी हुन्छ । ५० वर्षमा कम निद्रा पनि अध्ययन अवधिमा मृत्युको उच्च जोखिमसँग सम्बन्धित थियो । यो समस्या विशेषगरी दीर्घकालीन रोगको बढ्दो जोखिमसँग जोडिएको थियो । युनिभर्सिटी कलेज लन्डन र पेरिस साइट युनिभर्सिटीका अनुसन्धानकर्ताहरूले सामान्यतया सात वा आठ घण्टा सुत्न सुझाव दिन्छन् ।
