पूर्वी बग्दादमा विष्फोट, १० जनाको मृत्यु, २० बढी घाइते
काठमाडौं । पूर्वी बगदादमा भएको शक्तिशाली विष्फोटमा १० जनाको मृत्यु हुनुका साथै २० भन्दा बढी घाइते भएका छन् ।
शुरुमा फुटबल रंगशाला र क्याफे नजिकैको ग्यारेजमा एउटा गाडीमा विष्फोटक पदार्थ पड्किएको थियो ।
त्यसपछि नजिकै रहेको ग्यास ट्यांकरमा अर्को विष्फोट भएको थियो । मृत्यु हुनेमा अधिकांश फुटबल खेलाडी रहेको जनाइएको छ । विस्फोटबारे प्रहरीले अनुसन्धान शुरु गरेको छ ।
