नेपाल इन्भेष्टमेन्ट मेगा बैंकको एकीकृत कारोबार शुरू
काठमाडौं । नेपाल इन्भेष्टमेन्ट मेगा बैंकको एकीकृत कारोबार आज बुधबारबाट शुरू भएको छ । मेगा बैंकसग मर्जर गरेर इन्भेष्टमेन्ट बैंकले आज बाट नयाँ नाम नेपाल इन्भेष्टमेन्ट मेगा बैंक भएको हो ।
बैंक ठूलो हुनु भनेको आर्थिक क्षेत्रलाई राम्रो हुनु भएको नेपाल इन्भेष्टमेन्ट मेगा बैंकका अध्यक्ष पृथ्वीबहादुर पाँडेले बताए । उनले पछिल्लो समय बैंक ठूलो भए पनि नाफा भने घट्दै गइरहेको बताए । बैंक ठूलोसँगै नाफामा पनि वृद्धि गर्दै जानुपर्ने चुनौती भने नयाँ बैंकलाई हुने पनि उनले बताए ।
उनले मर्जरपछि आगामी वर्ष बैंकको नाफा कम्तीमा १५ प्रतिशत बनाउने पनि बताए । मर्जरपश्चात बैंकको कुल सम्पत्ति ४ खर्ब ७१ अर्ब, कुल पुँजी ५८ अर्ब, कुल निक्षेप ३ खर्ब ६० अर्ब, कुल कर्जा ३ खर्ब २९ अर्ब रुपैयाँ पुगेको छ ।
एकीकृत कारोबारसँगै २९६ वटा शाखा रहने बैंकको एक्सटेन्सन काउन्टर ५९ वटा भएका छन् । २७९ वटा एटीएम रहेको बैंकले ३० लाख ग्राहकलाई सेवा भएको पनि बैंकले जानकारी दिएको छ । इन्भेष्टमेन्ट र मेगा बैंक १००र९० अनुपातमा मर्ज भएका हुन्। यो मर्जरपछि मेगा बैंकका शेयरधनीले नयाँ बैंकको ९० कित्ता शेयर पाउनेछन् ।