मलेसियामा बन्धक बनाइएका १२ नेपाली फर्किए स्वदेश
काठमाडौं । रोजगारीको सिलसिलामा मलेसिया पुगेर बन्धक बनाइएका १२ जना नेपाली स्वदेश फर्किएका छन् । उनीहरु शुक्रबार नेपाल आइपुगेका हुन् । यसअघि ७ जनाको उद्दार गरेर नेपाल फर्काइएको थियो ।
आज फर्किनेमा गोरखाका विष्णुप्रसाद ढकाल, सुजन गोतामे, टीकाराम गोतामे, मकवानपुरका प्रदीप कोइराला र भेषबहादुर सुवेदी, उदयपुरका इन्द्रबहादुर क्षेत्री, सप्तरीका सुनील अधिकारी, रौतहटका हजारीप्रसाद पटेल, विरवलराय यादव, हिरालाल राउत, चितवनका सन्तोष परियार र धादिङका सुरज खड्का रहेका छन् ।
उनीहरु पुस १७ गतेबाट मलेसियाको केलाङमा बन्धन बनाइएका थिए । उनीहरुलाई बन्धक बनाउनुका साथै यातना दिएको खबर बाहिरिएपछि सरकारले समेत यसमा चासो व्यक्त गरेको थियो ।