यतीकाे विमान दुर्घटना : ७० शवको पोस्टमार्टम सकियो, ६० शव परिवारलाई बुझाइयो
काठमाडौँ । यती एयरलाइन्सको विमान दुर्घटनामा परेका ७२ मध्ये आज (सोमबार) सम्म ७० जनाको शव पोस्टमार्टम भइसकेको र ६० जनाको शव (पोखरा र काठमाडौंबाट) सम्बन्धित परिवारलाई हस्तान्तरण गरिसकिएको यती एयरलायन्सले जनाएको छ ।
फोरेन्सिक मेडिसिन विभाग महाराजगञ्ज काठमाडौंका अनुसार सनाखत भएका चार जनाको शव हस्तान्तरण गर्न बाँकी रहेको र सनाखत नभएका ६ जनाको शव सनाखत गरी हस्तान्तरण गर्ने प्रक्रियामा रहेको जनाएको छ ।
हराइरहेका एक जनाको खोजी कार्य जिल्ला प्रशासन कार्यालय कास्कीले जारी राखेको र घटनास्थलबाट संकलन गरी फोरेन्सिक विभागमा ल्याइएको मानव अंगहरुको डीएनए परीक्षण कार्य पनि सँगसँगै भइरहेको पनि एयरलाइन्सले जनाएको छ ।
