एमालेले प्रधानमन्त्रीको राजीनामा मागेर गल्ती गर्यो : राजेन्द्र पाण्डे
काठमाडौं । सत्तारुढ नेकपा (एकीकृत समाजवादी) का उपाध्यक्ष राजेन्द्रप्रसाद पाण्डेले एमालेले स्पष्टीकरणको मौका समेत नदिई प्रधानमन्त्री पुष्पकमल दाहाल ‘प्रचण्ड’ को राजीनामा माग गरेर गल्ती गरेको टिप्पणी गरेका छन् ।
आज (शनिबार) समाजवादी मोर्चाको बैठकपछि सञ्चारकर्मीहरुले राखेका जिज्ञासाको जवाफ दिनेक्रममा उनले सो कुरा बताएका हुन् । एमालेले प्रधानमन्त्री दाहाललाई स्पस्टीकरणको मौका समेत नदिई राजीनामा मागेर फसेको उनको दावी थियो ।
उपाध्यक्ष पाण्डेले सत्तारुढ गठबन्धनले प्रधानमन्त्री दाहालले राजीनामा दिनु नपर्ने निर्णय लिएको समेत स्मरण गराए ।
एमालेले भारतीय नागरिक प्रितम सिंहबारे दिएको अभिव्यक्तिप्रति आपत्ति जनाउँदै प्रधानमन्त्री प्रचण्डको राजीनामा माग गर्दै संसद बैठक अवरुद्ध गर्दै आएको छ ।