मिटर ब्याजविरुद्ध बानेश्वरमा प्रदर्शन, १६ बढी पक्राउ
काठमाडौं । मिटर ब्याजविरुद्ध प्रदर्शन गर्ने १६ जनालाई प्रहरीले काठमाडौंको बानेश्वरबाट पक्राउ गरेको छ । बिहीबार बानेश्वरमा मिटर ब्याजविरुद्ध प्रदर्शन गर्ने उनीहरुलाई प्रहरीले पक्राउ गरेको हो । प्रदर्शनकारीहरु निषेधित क्षेत्र प्रवेश गर्न खोजेपछि पक्राउ गरिएको प्रहरीले जनाएको छ ।
मिटर ब्याज विरुद्ध किसान मजदुर संघर्ष समितिले प्रदर्शन गरेको थियो । हालै संसदबाट पास भएको मिटरब्याजसम्बन्धी विधेयक आफ्नो पक्षमा नभएको भन्दै पीडितहरू काठमाडौं केन्द्रित आन्दोलनमा उत्रिएका छन् । उनीहरूले पीडितलाई न्याय दिनेभन्दा पनि साहुलाई संरक्षण गर्ने कानुन ल्याएको भन्दै सरकारको विरोध गर्दै आएका छन् ।