फरार अभियुक्त गोरे २७ वर्षपछि पक्राउ
कञ्चनपुर । कञ्चनपुर प्रहरीले काठ चोरी मुद्दामा फरार अभियुक्तलाई बुधबार पक्राउ गरी कारागार चलान गरेको छ । यहाँको कृष्णपुर नगरपालिका–६ का गोरे रोकायालाई २७ वर्षपछि पक्राउ गरी कञ्चनपुर जिल्ला अदालत पेश गरी कारागार चलान गरेको प्रहरीले जनाएको छ ।
जिल्ला अदालतले काठ चोरी मुद्दामा २०५३ साल असारमा एक वर्ष कैद र रु १७ हजार तीन सय ८० जरिवाना तोकेको थियो । मुद्दापछि फार रहेका रोकाया लुकीछिपी बस्दै आएका थिए ।
