सिंहदरबारमा प्रचण्ड र ओलीबीच भेटबार्ता
काठमाडौं । प्रधानमन्त्री पुष्पकमल दाहाल ‘प्रचण्ड’ र प्रमुख प्रतिपक्षी नेकपा एमाले अध्यक्ष केपी शर्मा ओलीबीच भेटबार्ता भएको छ । सिंहदरबारस्थित प्रधानमन्त्री कार्यालयमा सो भेटबार्ता भएको हो । माघ २२ गते संसदको हिउँदे अधिवेशन सुरू हुनुअघि सो भेट भएको हो ।
संसद अधिवेशनको बिषयमा दुबै नेताबीच छलफल भएको हो । दलहरूबीच संक्रमणकालीन न्यायसम्बन्धी विधेयक (टीआरसी) मा सहमति जुटाउने प्रयास भइरहेका बेला सत्ता नेतृत्वकर्ता दल नेकपा माओवादी केन्द्र र प्रमुख प्रतिपक्षी दल एमालेका अध्यक्षबीच सिंहदरबारमा संवाद भइरहेको हो ।