लर्डस त्रिकोणात्मक श्रृखंला : नेपाललाई एमसीसीद्धारा ४१ रनको चुनौती
काठमाडौं, १३ साउन (एजेन्सी) । क्रिकेटको घर भनेर चिनिने लर्डसमा नेपाली क्रिकेट टिमले त्रिकोणात्मक टी–२० श्रृखंला खेलिरहेको छ । लर्डसमा जारी श्रृखंलामा मेरिलेबोन क्रिकेट क्लब (एमसीसी)ले नेपालसामु ४१ रनको चुनौती प्रस्तुत गरेको छ । 
टस जितेर बलिङ गरेको नेपाललाई एमसीसीले दिएको ६ ओभरमा ४१ रन लक्ष्य दिएको हो । वर्षाका कारण खेल ६ ओभरमा छोट्टाइएको हो ।
एमसीसीका लागि उसका कप्तान महेला जयवर्दनेले २४ रन जोडे । उनले १६ बलमा ४ चौका प्रहार गरेका थिए । भने अन्यले दोहोरो अंक जोड्न सकेनन् ।
नेपालका सोमपाल कामीले २ तथा शक्ति गौचनले एक विकेट लिए । २ ओभर बलिङ गरेका सोमपालले ८, एक ओभर बलिङ गरेका शक्तिले ६ रन खर्चेका थिए ।
ब्याटिङ गरिरहेकाे नेपाल विना विकेट २ अाेभरमा १६ रन बनाएकाे छ ।
यसअघि भएको पहिलो खेलमा नेदरल्याण्ड्सले एमसीसीलाई १० रनले पराजित गरेको थियो।
