समयमा महाधिवेशन हुन नदिन सभापतिले आलटाल गरिरहेका छन् : प्रकाशमान सिंह
जनकपुरधाम, ७ कात्तिक । नेपाली कांग्रेसका नेता प्रकाशमान सिंहले समयमा महाधिवेशन हुन नदिन पार्टी सभापति शेरबहादुर देउवाले आलटाल गरिरहेको बताएका छन् । आइतबार जनकपुरधाम विमानस्थलमा सञ्चारकर्मीसँग कुराकानी गर्दै सभापतिको कमजोरीले समयमा महाधिवेशन हुन नसक्ने देखिएको बताए ।
‘महाधिवेशन तोकिएको समयमा हुनुपर्छ । के गाह्रो छ ? निर्वाचन समिति तयार छ’, उनले भने, ‘पार्टी सभापतिले समिति माथि समिति गठन गरेर बेकारमा आलटाल गरिरहनु भएको छ ।’ महाधिवेशन समयमै गराउनु पर्नेमा जोड दिँदै वर्षौँदेखि एउटै व्यक्तिले नेतृत्व गर्दा पार्टीमा बेथिति देखिएको उनको भनाइ छ ।
