उपराष्ट्रपतिमा विजयी भए राष्ट्रिय एकता र संविधानको रक्षामा कटिबद्ध हुनेछु : यादव
काठमाडौं । उपराष्ट्रपतिका उम्मेदवार रामसहाय यादवले संविधानको रक्षा र पालना गराउन आफू कटिबद्ध भएर लाग्ने बताएका छन् । मतदानपछि पत्रकारलाई संक्षिप्त प्रतिक्रिया दिंदै उम्मेदवार यादवले आफू निर्वाचित भए संविधानको पालना गराउन अभिभावकत्व भूमिका निर्वाह गर्ने बताएका हुन्
यादवले भने, ‘गठबन्धनको तर्फबाट सर्वसम्मत उम्मेदवार म हो । राष्ट्रिय एकताको प्रवर्द्धन र संविधानको रक्षा गर्नेछु ।’ यादवले संविधानको रक्षा र पालनामा कटिबद्ध भएर लाग्ने बताए । उपराष्ट्रपति निर्वाचनमा यादवसहित नेकपा एमालेका अष्टलक्ष्मी शाक्य र जनमतकी ममता झाको उम्मेदवारी परेको छ ।
उपराष्ट्रपतिको मतदान जारी छ । मतदात सकिएलगत्तै मतगणना सुरू गर्ने मतपरिणाम आजै साँझ ६ बजेभित्र सार्वजनिक गर्ने निर्वाचन आयोगको तयारी छ ।
