चलचित्र अभिनेत्री मनिषाको मोटरसाइकल दुर्घटनामा मृत्यु
काठमाडौं, ८ जेठ । चर्चित अभिनेत्री मनिषा रायको सडक दुर्घटना निधन भएको छ । भोजपुरी चलचित्रबाट चम्किएकी उनको भारतको उत्तर प्रदेशको बलिया शहरमा भएको मोटरसाइकल दुर्घटनामा निधन भएको भारतीय सञ्चारमाध्यमले जनाएका छन् ।
फिल्म छायाँकनका लागि मोटरसाइकलमा मनियार जाँदै गर्दा मनिषा चढेको मोटरसाइकललाई कारले ठक्कर दिंदा उनको घटनास्थलमै मृत्यु भएको जनाइएको छ । शुक्रबार राति भएको सो दुर्घटनामा मनिषा सवार मोटरसाइकल चालक संजीव मिश्र भने गम्भीर घाइते भएका छन् ।