बुरुण्डी सीमा नजिकै भएको आक्रमणमा २० जनाको मृत्यु
बुजुम्बुरा । प्रजातान्त्रिक गणतन्त्र कंगो (डीआरसी) सीमा नजिकै अज्ञात बन्दुकधारीले गरेको आक्रमणमा कम्तीमा २० जनाको मृत्यु भएको बुरुण्डी सरकारका प्रवक्ताले शनिबार दिउँसो बताएका छन् ।
बुरुण्डी सरकारका महासचिव तथा प्रवक्ता जेरोम नियोन्जिमाले सञ्चारमाध्यमलाई दिएको जानकारी अनुसार, पश्चिम बुरुण्डीको बुजुम्बुरा प्रान्तस्थित मुटिम्बुजी जिल्लाको गाटुम्बामा भएको सो आक्रमणमा अधिकांश महिला र बालबालिकालाई निसाना बनाइएको छ । घटनाको विस्तृत विवरण सार्वजनिक हुन बाँकी छ । रासस÷सिन्ह्वा
