एमालेले प्रधानमन्त्रीलाई दियो तीन दिनको समय
काठमाडौं । प्रमुख प्रतिपक्षी एमालेले प्रधानमन्त्री पुष्पकमल दाहाल ‘प्रचण्ड’ लाई जवाफ दिन तीन दिनको समय दिएको छ ।
भौतिक पूर्वाधार तथा यातायातमन्त्री प्रकाश ज्वाला, स्वास्थ्य तथा जनसंख्यामन्त्री मोहन बस्नेत र संस्कृति, पर्यटन तथा नागरिक उड्डयनमन्त्री सुदन किराँतीको राजीनामा माग मागेको एमालेले यसबारे आगामी बैठकमा जवाफ दिन प्रधानमन्त्री प्रचण्डलाई समय दिएको हो ।
‘हाम्रो माग सरकारसँग हो । मन्त्रीसँग जोडिएको विषय हो । अब बस्ने बैठक १३ वा १४ फागुनमा प्रधानमन्त्रीले जवाफ दिनुपर्छ,’ एमाले सचेतक महेश बर्तौलाले भने । यही विषयमा विवाद हुँदा संसद अवरोध भएको थियो ।
