दोस्रो खेलमा वेष्ट इण्डिजविरुद्ध नेपालले पहिला फिल्डिङ गर्दै, लोकेश र आकाशलाई अवसर
काठमाडौं । दोस्रो टी–२० खेलमा वेष्ट इण्डिज ‘ए’ ले टस जितेर पहिले ब्याटिङ गर्ने भएको छ । कीर्तिपुरस्थित त्रिवि खेल मैदानमा कप्तान रोहितले टस हारेका हुन् । दोस्रो खेलमा प्रशिक्षक मोन्टी देसाईले पाँच खेलाडी परिवर्तन गरेका छन् ।
लोकेश बम, सोमपाल कामी, आरिफ शेख, सागर ढकाल र आकाश चन्दले पहिलो ११ मा स्थान बनाएका छन् । कमलसिंह ऐरी, अभिनाश बोहरा, विवेक यादव, ललितनारायण राजवंशी र प्रतिश जिसीलाई बाहिर राखिएको छ । पहिलो खेलमा कप्तान रोहितले एक सय १२ रन बनाउँदा नेपालले वेष्ट इन्ण्जिलाई चार विकेटले हराएको थियो ।