काठमाडौँको शंखपार्कमा एक युवक मृत भेटिए
काठमाडौँ । काठमाडौँ महानगरपालिका–४ स्थित शंखपार्कमा सोमबार बिहान एक युवक मृत भेटिएका छन् । शंखपार्कको गेट बाहिर करिब ३० वर्षका युवकका शव फेला परेको प्रहरी वृत्त महाराजगञ्जका डीएसपी अमर थापाले जानकारी दिए । मृत्तकको पहिचान भइनसकेको जनाउँदै थापाले घटनाबारे थप अनुसन्धान शुरु भएसकेको जानकारी दिए ।
स्थानीयले भने ती युवक कवाडी सामान उठाउने कामदार भएको बताएका छन् । युवकको मृत्यु कसरी भयो खुल्न बाँकी रहेको डीएसपी थापाले बताएका छन् । प्रहरीले घटनास्थलबाट शव परीक्षणको लागि अस्पताल लैजाने तयारी गरिरहेको छ ।