पहिलो हाफमा जर्मनीले एक गोल खायो
काठमाडौं, ९ असार । डिफेन्डिङ च्याम्पियन जर्मनी पहिलो हाफ सकिँदा एक गोल खाएको छ । समुह एफको खेलमा स्वीडेनले जर्मनीलाई गोल लगाएको छ । 
जित्नै पर्ने दबाबका साथ मैदानमा उत्रेको जर्मनीलाई खेलको ३२ औं मिनेटमा स्वीडेनका ओला टोइभोनेनले गोल गरे । अाजकाे खेल हारे डिफेन्डिङ च्याम्पियन जर्मनी अंकबिहीन जर्मनी विश्वकपको समूह चरणबाटै बाहिरिने छ ।
जर्मनी पहिलो खेलमा मेक्सिकोसँग १–० ले पराजित भएको थियो । मेक्सिकोले दक्षिण कोरियालाई आजै साँझ पराजित गर्दै ६ अंकसहित समूहको शीर्षस्थानमा उक्लिसकेको छ । यस्तोमा स्विडेनले जर्मनीलाई हराउन सकेमा ऊ पनि विश्वकपको अन्तिम १६ मा प्रवेश गर्ने छ ।
पहिलो खेल गुमाएको जर्मनी र आफ्नो पहिलो र दोस्रो खेल पनि गुमाएको दक्षिण कोरियाले एक अंक पनि जोड्न सकेका छैनन् ।
