चलचित्र ‘हृदयभरि’मा २० लाख लिएर पल खेल्दै
काठमाडौं, ८ कार्तिक । नेपाली चलचित्र बजारमा अभिनेता पल शाहको चर्चा छ । चलचित्र ‘शत्रुगते’ रिलिजपछि नयाँ चलचित्रमा साइन नगरेको पलले २० लाख लिएर नयाँ चलचित्रमा काम गर्ने भएका छन् ।
उनले नयाँ चलचित्र ‘हृदयभरि’मा २० लाख पारिश्रमिक लिएर चलचित्र युनिटसँग लिखित सम्झौता गरेको बताइएको छ । चलचित्र ‘शत्रुगते’ रिलिजपछि पलले नयाँ चलचित्रमा काम गरेका थिएनन् ।
चलचित्र ‘हृदयभरि’को कथा सुरज सुब्बा नाल्बोले लेखेका हुन् भने निर्देशन पनि सुरज सुब्बाले नै गर्न लागेका हुन् ।
चलचित्रको छायांकन चैत्रबाट सुरु हुने बताइएको छ । चलचित्रका लागि नयाँ हिरोइनको खोजी भइरहेको बताइएको छ ।
चलचित्र रोमान्टिक जनरामा निर्माण हुन लागेको बताइएको छ । चन्दन शाह र सौरभ विश्वासले निर्माण गर्न लागेको चलचित्र शाह प्रोडक्शनको ब्यानरमा निर्माण हुन लागेको हो ।
