लकडाउनमा पास लिएर जुवा खालमा, बैंक सञ्चालकसहित समातिए उच्च घरानिया
काठमाडौं, २० जेठ । काठमाडौंको कमलादीस्थित एक होटलबाट होटल मालिकसहित ९ जना व्यापारीलाई प्रहरीले पक्राउ गरेको छ । जुवा खेलिरहेका उनीहरुलाई २ लाख ७७ हजार ७२० रुपैयाँसहित प्रहरीले नियन्त्रणमा लिएको छ ।
होटलबाट व्यवसायीहरु रामचन्द्र संघाई, सुरेशकुमार अग्रवाल, विमल खेतान, विमल अउजा, पुरुषोत्तम अग्रवाल, गोविन्दराम सरिया, अशोककुमार अग्रवाल, नन्दकिशोर शर्मा तथा होटल सञ्चालक भारतीय नागरिक मिक्की जोगाई गरी ९ जना पक्राउ परेका हुन् ।
पक्राउ पर्नेहरु विभिन्न घराना समूह्यको उच्च नेतृत्वमा रहेर काम गरिरहेका व्यक्तिहरु हुन्। कतिपय बैङकका सञ्चालक समेत छन् ।
प्रहरीले जुवाडे व्यवसायीहरुको साथबाट २ लाख ७७ हजार रुपैयाँ नगद वरामद गरेको हो । त्यसैगरि हजार, ५ सय, १ सय र ५० दरका १ सय ७९ थान क्वाइन पनि बरामद गरिएको दाहालले बताए ।
क्वाइन राखेर खेलाइएका कारण जुवा खाल ठूलो भएको अनुमान प्ररहीको छ । प्रहरीले जुवा खोलाएको कोठा शिल गर्नुका साथै उनीहरुले चढेका सवारी साधन पनि नियन्त्रणमा लिइएको छ । उनीहरुले लकडाउनमा गाडी चलाउन पास समेत लिएको पाइएको छ ।
