भारतमा घट्दै कोरोना संक्रमण, ५० हजारमा झर्यो दैनिक संक्रमित संख्या
नयाँदिल्ली । भारतमा पछिल्लो २४ घण्टामा कोभिड-१९ का ५० हजार नयाँ संक्रमित थपिएका छन् । केही समययता भारतमा निरन्तर कोरोनाका नयाँ संक्रमितको संख्या घट्दो क्रममा देखिएको छ ।
यद्यपि मृतक संख्या भने अझै पनि चिन्ताजनक अवस्थामा देखिएको छ । पछिल्लो २४ घण्टामा कोरोना संक्रमणको कारण भारतमा ८०४ जनाको मृत्यु भएको छ । यद्यपि यो संख्यामा अधिकांश यसअघि गणनामा छुटेका मानिसको संख्या समावेश गरिएको स्वास्थ्य मन्त्रालयले बताएको छ ।
पछिल्लो २४ घण्टामा भारतको केरलामा सबैभन्दा धेरै १६ हजारभन्दा बढी नयाँ संक्रमित फेला परेका छन् । भारतमा कोरोनाका सक्रिय संक्रमितको संख्या ६ लाख १० हजारमा झरेको छ ।
