चुनावी सभामा कमेडियन सन्दीप क्षेत्रीले प्रचण्डलाई भने, ‘गज्जबको छोरी पाउनु भएको छ’
चितवन । कमेडियन एवं अभिनेता सन्दीप क्षेत्रीले चितवनको भरतपुरमा आयोजित सत्ता गठबन्धनको चुनावी सभालाई सम्बोधन गर्दै मेयरका आकांक्षी रेणु दाहाललाई सचेत गराएका छन् ।
उनले चितवनमा सबै दाजुभाइहरुले दिदी रेणु दाहालबाट धेरै अपेक्षा गरेको बताए । ‘म तपाईलाई दिदी सम्बोधन गर्न चाहें । दिदी सम्बोधन गर्दैगर्दा यहाँका तमाम दाजुभाइहरुले तपाईबाट धेरै अपेक्षा गरेका छन् । तपाईलाई जितको लागि यहाँका दाजुभाइहरुको अवश्य सहयोग रहनेछ । तर सचेत पनि गराउन चाहन्छु, तपाईलाई उनीहरुको श्राप नलागोस् ।’
उनले माओवादी केन्द्रका अध्यक्ष पुष्पकमल दाहाल ‘प्रचण्ड’ लाई गज्जबको छोरी पाएको भन्दै ढाड्स दिएका छन् । ‘आदरणीय प्रचण्डलाई म भन्न चाहन्छु, तपाईले गज्जबको छोरी पाउनु भएको छ । अध्यक्षको हैसियतमा चिन्ता लागे पनि पिताको रुपमा गौरव गर्नुस्,’ उनले भने ।