अमेरिकामा शक्तिशाली आँधी : केहीको ज्यान गयो, हजारौं प्रभावित (तस्वीरहरु)
क्यालिफोर्निया । संयुक्त राज्य अमेरिकाको पश्चिम तटीय राज्य क्यालिफोर्नियामा शक्तिशाली आँधी आउँदा हजारौँ मानिहरू प्रभावित भएका छन् ।
गए राति आएको आँधीबेहरी (चक्रवात) का कारण हजारौं मानिस प्रभावित भएको वासिङ्टनस्थित राष्ट्रिय मौसम सेवाका सरकारी अधिकारीहरूले जानकारी दिएका छन् । कयौं स्थानमा सडकछेउका रूख ढल्दा यातायात अबरूद्ध हुनाका साथै केही मानिसको ज्यान समेत गएको र कतिपय घाइते भएको खबर छ ।
भारी वर्षासहित आएको सामुद्रिक आँधीका कारण सनफ्रान्सिस्को, अकल्याण्ड, सेक्रोमेन्टो, रिचमोण्ड, कंकोर्ड, लसएन्जल्सलगायत अन्य धेरै सहरका हजारौं घर तथा व्यापारिक कम्प्लेक्सहरूमा विद्युत् आपूर्ति बन्द भएका छन् । विद्युत् आपूर्ति बन्द हुँदा आर्थिक कारोबार समेत प्रभावित भएको बताइएको छ ।