प्रकाश दाहालको मृत्युमा शीर्ष नेताको समवेदना, कसले के भने ?
काठमाडौं : पूर्व प्रधानमन्त्री एवं माओवादी केन्द्रका अध्यक्ष पुष्पकमल दाहाल पुत्र प्रकाशको निधनको शीर्ष नेताहरूले समवेदना व्यक्त गरेका छन् । आकस्मिक हृदयघातका कारण निधन भएको दाहाल प्रति प्रधानमन्त्री शेरबहादुर देउवा, केपी ओलाी, बाबुराम भट्टराई लयायतले दिवङ्गत आत्मप्रति श्रद्धाञ्जली तथा दाहाल परिवारप्रति समवेदना समेत व्यक्त गरेका छन्।
‘पूर्व प्रधानमन्त्री एवं मेरा मित्र पुष्प कमल दाहालका छोरा प्रकाश दाहालको अल्पायुमै भएको निधनको खबरले मर्माहत भएको छुुु,देउवाले टुइटरमा लेखेका छन् ।
एमाले अध्यक्ष केपी शर्मा ओलीले प्रकाशको असामयिक निधनको खबरले मर्माहत बनाएको उल्लेख गरेका छन्। यसै गरी राप्रपाका नेता कमल थापा, काँग्रेस नेता विमलेन्द्र निधि, एमाले सचिव योगेश भट्टराई लगायतले समवेदना प्रकट गर्दै मृतात्माप्रति श्रद्धाञ्जली अर्पण गरेका छन्।
पूर्व प्रधानमन्त्री एवं मेरा मित्र पुष्प कमल दाहालका छोरा प्रकाश दाहालको अल्पायुमै भएको निधनको खवरले मर्माहत भएको छु। मृतकप्रति हार्दिक श्रद्घान्जली र शोकाकुल परिवारजनलाई यस दुखद घडिमा हार्दिक समवेदना व्यक्त गर्दछु।
— Sher Bahadur Deuba (@PM_Nepal) November 19, 2017
माओवादी केन्द्रका अध्यक्ष पुष्पकमल दाहालका पुत्र प्रकाशको असामयिक निधनको खबरले मर्माहत बनाएको छ ।स्वर्गीय प्रकाशप्रति हार्दिक श्रद्धान्जली ।शोक सन्तप्त परिवारजनमा हार्दिक समवेदना ।
— K P Sharma Oli (@kpsharmaoli) November 19, 2017
पूर्व प्रधानमन्त्री पुष्पकमल दाहाल प्रचण्ड र सीता दाहालका सुपुत्र प्रकाश दाहालको अल्पायुमै आकस्मिक निधनले स्तव्ध र मर्माहत भएको छु।मृतकप्रति हार्दिक श्रद्धांजली र शोकसन्तप्त परिवारजनमा गहीरो समवेदना प्रकट गर्दछु! pic.twitter.com/djb4BYJBvp
— Baburam Bhattarai (@brb1954) November 19, 2017
नेकपा ( माओवादी) केन्द्रका अध्यक्ष प्रचण्ड र परिवारमा पर्न गएको असह्य पीडाप्रति हार्दिक समवेदना व्यक्त गर्दछु । दिवंगत प्रकाशप्रति भावपूर्ण श्रध्दान्जली ! pic.twitter.com/BWLviyONjT
— Yogesh bhattarai (@yogeshuml55) November 19, 2017
नेकपा ( माओवादी) केन्द्रका अध्यक्ष प्रचण्ड र परिवारमा पर्न गएको असह्य पीडाप्रति हार्दिक समवेदना व्यक्त गर्दछु । दिवंगत प्रकाशप्रति भावपूर्ण श्रध्दान्जली !
— प्रदीप ज्ञवाली (@PradeepgyawaliK) November 19, 2017
एमाओवादी अध्यक्ष पुष्पकमल दाहाल ‘प्रचण्ड’जीलाई अत्यन्त असामयिक पुत्रशोक परेकामा दु:खी छु। उहाँ र परिवारजनमा सहनशक्तिको कामना गर्दछु।
— Daman Nath Dhungana (@daman_nath) November 19, 2017
यस्तो वियोग कसैको परिवारलाई नपरोस्। प्रकाश दाहालको आत्मालाई चीर शान्ति र परिवारलाई धैर्य धारण गर्ने शक्ति मिलोस्! हार्दिक श्रद्धाञ्जली!
— Rabindra Mishra (@RabindraMishra) November 19, 2017