प्रधानन्यायाधीश बाहेकका न्यायाधीशको इजलास आज पनि बसेन
काठमाडौं, १४ कात्तिक । सर्वोच्च अदालतमा आज (आइतबार) पनि प्रधानन्यायाधीशविरुद्धको न्यायाधीशहरुले थालेको आन्दोलनको प्रभाव देखिएको छ ।
यसअघि इजलास बहिष्कार गर्दै आएका अन्य न्यायाधीशहरुको इजलास बस्न सकेको छैन । प्रधानन्यायाधीशको एकल इजलास चाहिँकेही बेरमा बस्ने तयारीमा रहेको छ ।
प्रधानन्यायाधीश चोलेन्द्र शमशेर राणाले वर्तमान सत्तागठबन्धनसँग भागबण्डा खोजेको, सर्वोच्च अदालतको गरिमा जोगाउन नसकेकोजस्ता आरोप लगाउँदै अन्य न्यायाधीशहरुले राजीनामा मागिरहेका छन् ।
त्यस्तै वकिलहरुको संगठन नेपाल बारलगायतका संस्थाले पनि आन्दोलन गरिरहेका छन् । प्रधानन्यायाधीश चोलेन्द्र शमशेर जबराले आज (आइतबार) का लागि १२ इजलास तोकेका छन् । प्रधानन्यायाधीशले आफूसहितको ४ वटा एकल इजलास र ८ वटा संयुक्त इजलास तोकेका छन् । ती इजलासमा २४८ थान मुद्दा सुनुवाइका लागि पेश भएका छन् ।
