रास्वपा प्रवक्ता भन्छन्, ‘तनहुँ–१ मा स्वर्णिम वाग्लेलाई उम्मेदवार बनाउन कुरा हुँदैछ’
काठमाडौं । आसन्न उपनिर्वाचनमा राष्ट्रिय स्वतन्त्र पार्टी (रास्वपा) का तर्फबाट तनहुँ क्षेत्र नम्बर–१ मा अर्थविद् डा. स्वर्णिम वाग्लेले प्रतिस्पर्धा गर्ने चर्चा शुरु भएको छ ।
रास्वपाले डा. वाग्लेसँग कुराकानी भइसकेको पुष्टि गरेको छ । डा. वाग्लेले भने यसबारे कुनै प्रतिक्रिया दिएका छैनन् ।
‘तनहुँ–१ मा चुनाव लड्ने विषयमा डा. स्वर्णिम वाग्लेसँग कुराकानी भएको छ’, रास्वपाका महामन्त्री डा. मुकुल ढकालले भने, ‘निर्णय गर्न हाम्रो निश्चित प्रक्रिया छ । त्यसैले अहिले नै उहाँ उम्मेदवार हो वा होइन भनेर भन्न सकिँदैन ।’
डा. वाग्लेले निर्वाचनमा प्रतिस्पर्धा गर्ने इच्छा देखाएको कि तपाईंहरूको आग्रह स्वीकार गर्नुभएको भन्ने प्रश्नमा उनले स्पष्ट जवाफ दिएनन् । ‘अहिले हाम्रो कुराकानी भएको हो । हामीले निर्णय गरेपछि तपाईंहरूले औपचारिक रूपमा थाहा पाउनु हुनेछ’, महामन्त्री ढकालले थपे, ‘अहिले नै ठोस जावाफ छैन ।’
