बारा–२ का एमाले उम्मेदवार पौडेलको आरोप : मतदातालाई किन्ने प्रयास भयो
बारा । बारा–२ मा नेकपा एमाले उम्मेदवार पुरुषोत्तम पौडेलले मतदातालाई प्रभावित पार्ने प्रयास भएको आरोप लगाएका छन् । सञ्चाकर्मीसँग प्रतिक्रिया दिँदै उनले आफूले बिभिन्न स्थानमा यस्तो प्रयास भएको जानकारी आएको बताएका छन् ।
तर, मतदाताले एमालेलाई मत दिने उनको दाबी छ । ‘मतदानको ट्रेन्ड हेर्दा एमालेको पक्षमा मतदान हुने देखिन्छ । केहि स्थानमा मतदातालाई प्रभावित पार्न रकम बाँडिएको सूचना समेत आएको छ । पैसाले यति हुँदाहुँदै पनि जनताले हामीलाई विश्वास गरेर मत दिन्छन्,’ उनले भने ।
