इङलिस प्रिमियर लिग फुटबल : म्यानचेस्टर सिटी, लिभरपुल र चेल्सी विजयी
काठमाडौँ । इङलिस प्रिमियर लिग फुटबलमा म्यानचेस्टर सिटी, लिभरपुल र चेल्सी विजयी भएका छन् । गए राति भएको खेलमा लिभरपुलले ब्रेन्टफोर्डलाई १–० गोलले हराएको हो । लिभरपुलको जितमा मोहमद सलाहले खेलको १३ औँ मिनेटमा गरेको गोल नै निर्णायक भयो ।
जितसँगै लिभरपुलले ३५ खेलमा ६२ अङ्क जोडेको छ । लिभरपुल पाँचौं स्थानमा रहेको छ । अर्को खेलमा चेल्सीले बर्नमाउथलाई ३–१ गोलले हराएको हो । चेल्सीका कोनर गल्लाघर, बेनोइट बाडियाशिले र जोआ फेलिक्सले गोल गरे ।
बर्नमाउथका माथियास भिनाले एक गोल फर्काए । जितसँगै चेल्सीले ३४ खेलमा ४२ अङ्क जोडेको छ । चेल्सी ११ औँ स्थानमा रहेको छ । प्रिमियर लिगकै अर्को खेलमा शीर्ष स्थानको म्यानचेस्टर सिटीले लिड्स युनाईटेडलाई २–१ गोलले हराएको हो ।
सिटीको जितमा इल्के गुन्डोगानले दुई गोल गरे । लिड्सका रोड्रिगो मोरेनोले एक गोल फर्काए । जितसँगै सिटीको ३४ खेलमा ८२ अङ्क भएको छ । अरु खेलमा टोटनहमले क्रिस्टल प्यालेसलाई र उल्भ्सले एस्टन भिल्लालाई १–० ले हराएको छ ।
