पाकिस्तानी पूर्व प्रधानमन्त्री खान पक्राउ
काठमाडौं । पाकिस्तानी पूर्व प्रधानमन्त्री इमरान खान पक्राउ परेका छन् । इस्लामाबाद उच्च अदालतब ाहिरबाट खानलाई प्रहरीले पक्राउ गरेको बिबिसीले जनाएको छ ।
दर्जनौँ प्रहरीले खानलाई घेरा हालेर गाडीमा राखेको भिडियोसमेत सामाजिक सञ्जालमा भाइरल बनेको छ । खानलाई अपराधीलाई जसरी लछारपछार पारेर पक्राउ गरेको भन्दै उनको पार्टी पाकिस्तान तेहरिक ए इन्साफ (पिटिआई) ले आपत्ति जनाएको छ । पिटिआईका अनुसार उनलाई कुन मुद्दामा हिरासतमा लिइएको हो भन्ने जानकारी अहिलेसम्म सार्वजनिक भएको छैन ।
