एकीकृत समाजवादीको सचिवालय बैठक जारी, सरकारमा जाने निर्णय गर्न सक्ने


७ चैत्र २०७९, मंगलवार
Samajbadi
फाइल फोटो

काठमाडौं । नेकपा (एकीकृत समाजवादी) को सचिवालय बैठक चलिरहेको छ । पार्टी केन्द्रीय कार्यालय आलोकनगरमा बैठक जारी छ ।

बैठकमा सरकारमा सहभागिताबारे छलफल हुने बताइएको छ । एकीकृत समाजवादीले तीन मन्त्रालय पाउनु पर्ने दाबी गरिरहेको छ । अध्यक्ष माधवकुमार नेपालको अध्यक्षतामा बैठक बसेको हो । बैठकमा सम्मानित नेता झलनाथ खनाल, उपाध्यक्षहरु राजेन्द्रप्रसाद पाण्डे, केशवलाल श्रेष्ठ, जयन्ती राई, डा. बेदुराम भुसाल, महासचिव घनश्याम भुसाल, उपमहासचिव गंगालाल तुलाधर र प्रवक्ता जगन्नाथ खतिवडा सहभागी छन् ।

सोमबार प्रधानमन्त्री पुष्पकमल दाहाल ‘प्रचण्ड’ लाई विश्वासको मत दिएको समाजवादीले सरकारमा जाने तयारी गरेको हो । प्रचण्डलाई विश्वासको मत दिइसकेकाले आजको बैठकबाट सरकारमा जाने निर्णय लिने तयारी छ । समाजवादी उपाध्यक्ष राजेन्द्र पाण्डेले यसअघि नै यस पटक आफूहरुले रोजेको मन्त्रालय लिएर सरकारमा जाने बताइसकेका छन् ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७