डिभिजन २ का लागि प्रारम्भिक छनोट, सागर र विनोद परेनन्
काठमाडौं:अर्को महिना देखी नामिबियामा हुने आईसिसि वर्ल्ड क्रिकेट लिग डिभिजन २ को लागि नेपाली राष्ट्रिय क्रिकेट टोलीको प्रारम्भिक चरणमा २१ खेलाडीको नाम सार्वजनिक भएको छ । डिभिजन २ फेब्रुअरी ६ बाट सुरु हुँदैछ । राष्ट्रिय टोलीका दुई खेलाडी सागर पुन र विनोद भण्डारी प्रारम्भिक चरणमा नै स्थान बनाउन सकेनन् ।
हालै सम्पन्न एभरेष्ट प्रिमियर लिगमा आफ्नो टोलीलाई उत्कृष्ट फिनिसरको काम गर्न सफल रोहित कुमार पौडेल, युवा बलर रसिद खान र किशोर महतो तथा पुर्व यू१९ खेलाडी दिपेश श्रेष्ठले २१ जनामा आफ्नो स्थान बनाउन सफल भएका छन् । त्यस्तै ललित नारायण राजबंशी र अनिल कुमार शाहले पनि टोलीको प्ररम्भिक २१ जना खेलाडीको सुचिमा आफ्नो नाम सुरक्षित गरेका छन् ।
खेलाडीहरुको छनोट नेपाली राष्ट्रिय टोलीका कप्तान पारस खड्का, प्रशिक्षक जगत टमाटा र अन्तर्राष्ट्रिय क्रिकेट परिषद (आईसिसी) का प्रतिनिधी अनिमुल स्लामले गरेका थिए ।
प्रारम्भिक नेपाली टोली
- पारस खड्का (कप्तान)
- ज्ञानेन्द्र मल्ल (उप–कप्तान)
- शरद भेषवाकर
- अनिल कुमार शाह
- बसन्त रेग्मि
- दिलिप नाथ
- दिपेन्द्र सिंह ऐरी
- दिपेश श्रेष्ठ
- करण केसी
- किशोर महतो
- ललित सिंह भण्डारी
- ललित नारायण राजबंशी
- आरिफ शेख
- रोहित कुमार पौडेल
- रशिद खान
- सन्दिप लामिछाने
- शक्ति गौचन
- सिद्धान्त लोहनी
- सोमपाल कामी
- सुनिल धमला
- सुसन भारी
