नेपाली चेली मनिषा कोइरालाकाे अभिव्यक्तिले भारतीय मिडियामा हंगामा
काठमाडौं, ७ जेठ : ५ जेठ २०७७ गते बसेको मन्त्रिपरिषद्को बैठकले भारतद्धारा अतिक्रमित भूमि लिम्पियाधुरा, लिपुलेक र कालापानीलाई समेटेर नयाँ नक्सा जारी गर्ने निर्णय गर्यो । यो निर्णयपछि परराष्ट्र मन्त्री प्रदीप ज्ञवालीले ट्वीट गरे, ‘लिम्पियाधुरा, लिपुलेक र कालापानीसहितका भूभाग समेट्दै ७ प्रदेश, ७७ जिल्ला र ७५३ स्थानीय तहको प्रशासनिक विभाजन खुल्ने गरी नेपालको नक्सा प्रकाशित गर्ने मन्त्रिपरिषदको निर्णय ।’
यही निर्णय अनुसार सरकारले बुधबार दिउँसो नेपालको नयाँ राजनैतिक नक्सा औपचारिक रुपमा सार्वजनिक गर्यो । भूमि व्यवस्था, सहकारी तथा गरिबी निवारण मन्त्री पद्मा अर्यालले बुधबार दिउँसो कालापानी, लिपुलेक र लिम्पियाधुरा समेटिएको नेपालको नयाँ राजनैतिक नक्सा औपचारिक रुपमा सार्वजनिक गरिन् ।
Thank you for keeping the dignity of our small nation..we all are looking forward for a peaceful and respectful dialogue between all three great nations now ? https://t.co/A60BZNjgyK
— Manisha Koirala (@mkoirala) May 18, 2020
यो निर्णयपछि ज्ञवालीको ट्वीटलाई रिट्वीट गर्दै मनिषाले लेखिन्, ‘हाम्रो सानो राष्ट्रको गरिमा बढाएकोमा धन्यवाद। अब तीन महान देशबीच शान्तिपूर्ण र सम्मानजनक वार्ताको आशा गर्दछु ।’
यस लगत्तै भारतीय मिडिया र भारतीयहरु मनिषा बिरुद्ध खनिएका छन् । भारतीय टिभी च्यानल एबीपी न्यूजले, ‘भारतको नुन खाएर चीनको गीत गाउने ?’ भन्दै तिव्र आलोचना गरे । मनिषालाई सामाजिक सञ्जालमा भारतीयहरुले तिव्र बिरोध सुरु गरेका छन् ।
भारतीय मिडिया र भारतीयहरुले यस कारण बिरोध गरेका हुन् की मनिषा बलिउडकी चर्चित अभिनेत्री हुन् । तर उनीहरुले यो चहि बुझेनन् की मनिषा नेपाली चेली हुन् । बलिउडका सौदागर, मन, अ लभ स्टोरी १९४२, दिल से, अग्नी साक्षी, अकेले हम अकेले तुम, खामोसी जस्ता सुपरहिट फिल्मकी अभिनेत्री मनिषा सहास गरेर नेपाली माटोको पक्षमा बोलेका भन्दै नेपालमा भने प्रशंसा भएको छ । धेरैले लेखेका छन्, ‘सलाम महान् नेपाली चेली मनिषालाई ।’
