संक्रमणको दर बढ्दै गएपछि डडेल्धुरा सदरमुकाम अनिश्चितकालीन शिल
डडेल्धुरा, ६ असार । कोरोना संक्रमणको दर बढ्दै गएपछि डडेल्धुरा सदरमुकाम अनिश्चित्कालीन शिल गरिएको छ ।
शुक्रबार दिउँसो ३ बजेदेखि लागू हुने सदरमुकाम शिल गरिएको कोरोना सुरक्षा समिति डडेल्धुराले जनाएको छ ।
अर्को सूचना जारी नहुञ्जेलसम्म डडेल्धुरा सदरमुकाम शिल रहने जिल्ला प्रहरी कार्यालय डडेल्धुरा प्रमुख दधिराम न्यौपानेले बताए । उनले भने, ‘समितिको निर्णयअनुसार व्यापार व्यवसाय सबै बन्द हुन्छन् । हामी बजार क्षेत्रमा माइकिङ समेत गर्दैछौं ।’
सरकारी कार्यालय खुल्ला नै रहने छ भने अति आवश्यक बाहेक सेवा बन्द हुने डडेल्धुराका सहायक प्रमुख जिल्ला अधिकारी गणेशदत्त ओझाले बताए । डडेल्धुरामा १२८ जनामा कोरोना संक्रमण पुष्टि भएको छ । धेरै संक्रमण देखिएपछि यहाँको गन्यापधुरामा बिहीबारदेखि शिल गरिएको थियो ।
