तिहार पछि बढ्यो सुनको भाउ, तोलाको कतिमा हुँदैछ कारोबार
काठमाडौं, २२ कात्तिक । तिहारपछिको पहिलो कारोबारका दिन आज (सोमबार) नेपाली बजारमा छापावाल सुनको मूल्य प्रतितोला एक हजार ५ सय रुपैँयाले उकालो लागेर ९२ हजार ५ रुपैंयाँ कायम भएको छ । पहेंलो धातु गत बिहीबार प्रतितोला ९१ हजार रुपैंयाँमा कारोबार भएको थियो ।
नेपाल सुनचाँदी व्यवसायी महासङ्घले सार्वजनिक गरेको तथ्याङ्कानुसार आज तेजाबी सुनको मूल्य प्रतितोला ९२ हजार रहने छ जसको मूल्य बिहीबार प्रतितोला ९० हजार ५ सय रुपैँयाले तोकिएको थियो ।
त्यस्तै आज चाँदीको मूल्य बिहीबारका तुलनामा २५ रुपैँयाले उकालो लागेर एक हजार २५० रुपैँया कायम भएको छ । चाँदी बिहीबार प्रतितोला एक हजार २२५ रुपैँयामा कारोबार भएको थियो ।
महासङ्घले अन्तरराष्ट्रिय बजारमा हुने सुनचाँदीका मूल्यको उतारचढावका आधारमा यहाँँ दैनिक सुन तथा चाँदीको काारोबार मूल्य तोक्दै आएको छ । अन्तरराष्ट्रिय बजारमा आज सुन प्रतिऔंस एक हजार ८१९ दशमलव ७३ डलरमा कारोबार भइरहेको छ ।