मोरङ कांग्रेसको सभापतिमा इतर समूहका लिम्बु निर्वाचित
मोरङ, १५ मंसिर । नेपाली कांग्रेस मोरङको सभापतिमा संस्थापन इतर समूहका डिगबहादुर लिम्बु विजयी भएका छन् ।
मंगलबार सम्पन्न दोस्रो चरणको निर्वाचनमा सभापति शेरबहादुर देउवा र नेता कृष्णप्रसाद सिटौलाको संयुक्त समर्थन रहेका दिलीप गच्छदारलाई हराउँदै लिम्बु जिल्ला सभापति बन्न सफल भएका हुन् ।
विजयी लिम्बुले १,९०६ मत ल्याउँदा उनका प्रतिस्पर्धी गच्छदारले १,४२२ मत पाएको कांग्रेस निर्वाचन समितिले जनाएको छ । पहिलो चरणको चुनावमा तीनै उम्मेदवारले ५१ प्रतिशत मत प्राप्त नगरेपछि मोरङमा कांग्रेस जिल्ला नेतृत्व चयनका लागि पुनः मतदान गरिएको हो ।
