कांग्रेस प्रदेश-२ अधिवेशनमा कुटाकुट, मतदान भोलिलाई सर्यो
जनकपुर । नेपाली कांग्रेस प्रदेश-२ को जारी अधिवेशनमा झडप भएको छ । विमलेन्द्र निधि र शेरबहादुर देउवा समूहबीच कुटाकुट भएको हो । बुधबार दिउँसो १ बजेदेखि मतदान सुरु हुने कार्यतालिका रहे पनि अहिलेसम्म सुरु नगरेको भन्दै आक्रोशित नेता कार्यकर्ताले नाराबाजी गरेपछि झडप भएको थियो ।
मतपत्र नछापिएकाले भोलि बिहान ८ बजेदेखि मतदान हुने निर्वाचन अधिकृत प्रह्लाद गौतमले जानकारी दिए । ‘मतपत्र छाप्न ढिलाइ भएकाले आज मतदान हुन सकेन । मतदान प्रक्रिया अब भोलि मात्र हुनेछ,’ उनले भने ।