बतास समूहसँग नाम जोडिएपछि आरजुको स्पष्टीकरण : सो संस्थामा मेरो कुनै भूमिका छैन
काठमाडौं । कांग्रेस केन्द्रीय सदस्य तथा प्रधानमन्त्री शेरबहादुर देउवा पत्नी आरजु राणा (देउवा) ले बतास समूहसँग आफ्नो कुनै आबद्धता नरहेको बताएकी छन् । सञ्चारमाध्यममा आरजुको पनि बतास समूहमा संलग्नता रहेको सार्वजनिक भएपछि उनले सो संस्थामा आफ्नो कुनै संलग्नता र भूमिका नरहेको स्पष्टीकरण दिएकी हुन् ।
उनले आफू विभिन्न ६ वटा संस्थामा बाहेक अन्यत्र कतै पनि आबद्ध नभएको दावी गरेकी छिन् ।
उनले सामाजिक सञ्जालमार्फत भनेकी छन्-
सञ्चार माध्यमहरुमा विभिन्न संघ संस्थाहरुमा मेरो संग्लनता भएको भनेर समाचारहरु आएकोमा मेरो ध्यानाकर्षण भएको छ, तल उल्लेखित संस्थाहरु बाहेक अरु कुनै पनि संस्थाहरुमा सल्लाहकार अथवा अन्य कुनै पदमा मेरो संलग्नता नरहेको स्पष्ट पार्न चाहन्छु ।
१. ग्रामिण महिला विकास तथा एकता केन्द्र (रुडुक), नेपाल Rural WomenÚs Development and Unity Centre -RUWDUC
(संस्थापक अध्यक्ष तथा सल्लाहकार)
२. साथी, नेपाल (संस्थापक, पूर्व अध्यक्ष तथा सल्लाहकार)
३. सुरक्षित मातृत्व संजाल महासंघ ( संस्थापक एवं वर्तमान अध्यक्ष)
४. नामी (अध्यक्ष)
५. उल्लेन्स स्कुल (अध्यक्ष, बिद्यालय व्यवस्थापन समिति)
६. Blood Donors association of Nepal BLODAN (संरक्षक)
डा. आरजु राणा देउवा
केन्द्रीय सदस्य, नेपाली कांग्रेस
