आफ्नै छोरीलाई बलात्कार गरेको आरोपमा बाबु पक्राउ
पाँचथर । आफ्नै छोरीलाई बलात्कार गरेको आरोपमा प्रहरीले पाँचथरको फिदिमबाट एक व्यक्तिलाई पक्राउ गरेको छ । फिदिम नगरपालिका-५ का ४३ वर्षीय एक पुरुष आफ्नी १२ वर्षकी छोरीलाई बलात्कार गरेको आरोपमा पक्राउ परेका जिल्ला प्रहरी कार्यालय पाँचथरले जनाएको छ ।
घरमा कोही नभएको बेला उनले छोरीलाई करणी गरेका बालिकाकी आमाले प्रहरीमा दिएको जाहेरीमा उल्लेख छ । आमाले उजुरी दिएपछि उनलाई प्रहरीले पक्राउ गरेको हो । घटनाबारे थप अनुसन्धान सुरु गरिएको पाँचथर प्रहरीले जनाएको छ ।
