मेवा खुवाउने वहानामा अर्घाखाँचीमा पाँच वर्षीया बालिकामाथि बलात्कार
अर्घाखाँची । अर्घाखाँचीको भूमिकास्थान नगरपालिकामा एक पाँच वर्षीया बालिकालाई जबरजस्ती करणी गर्ने ५९ वर्षीय एक जनालाई प्रहरीले पक्राउ गरेको छ ।
भूमिकास्थान नगरपालिका-७ मा मेवा दिने बहानामा नाबालिकालाई जबरजस्ती करणी गर्ने पुरुषलाई पक्राउ गरिएको जिल्ला प्रहरी कार्यालयका प्रहरी नायव उपरीक्षक अम्बरबहादुर थापाले बताए ।
मेवा खुवाउने बहानामा आफ्नै घरमा बोलाएर घरको दोस्रो तलामा लगेर बालिकालाई जबरजस्ती करणी गरेको जाहेरीका आधारमा निज पुरुषलाई पक्राउ गरिएको प्रहरीको भनाइ छ । घटनाको बारेमा आवश्यक अनुसन्धान भईरहेको प्रहरीले जनाएको छ ।
