ललितपुरमा २४ वर्षीया महिला बलात्कृत, आरोपमा दुई जना पक्राउ
काठमाडौँ । ललितपुरमा एक २४ वर्षीया महिलालाई बलात्कार गरेको आरोपमा दुई जना पक्राउ परेका छन् । पक्राउ पर्नेहरूमा महालक्ष्मी नगरपालिका-४ इमाडोल सेतीपाखा बस्दै आएका सप्तरी कञ्चनरूप नगरपालिका-१० का २५ वर्षीय मोआत हुसेन र मरोङ बूढीगंगा गाउँपालिका-५ का ३५ वर्षीय इलिभास मिया रहेका छन् ।
उनीहरूले ती महिलालाई इमाडोल सेतीपाखास्थित आफ्नो कोठामा लगेर बलात्कार गरेको खुलेको छ । प्रहरी वृत्त कीर्तिपुरबाट खटिएको प्रहरीले दुवै जनालाई गोदावरी नगरपालिका-१ गोदामचौरबाट पक्राउ गरेको हो ।
