थप ७४ जनामा कोरोना संक्रमण, एकको मृत्यु
१,२८३ जना सक्रिय संक्रमित, क्वाराइन्टाइनहरू सबै खाली
काठमाडौं । नेपालमा पछिल्लो २४ घण्टामा ७४ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार ४१ सय २६ नमूना परीक्षण गरिएकोमा ७४ जनामा संक्रमण पुष्टि भएको हो ।
यस्तै मन्त्रालका अनुसार संक्रमणका कारण एक जनाले ज्यान समेत गुमाएका छन् । हालसम्म कोरोना संक्रमणका कारण नेपालमा १२ हजार सात जनाले ज्यान गुमाइसकेका छन् । अहिले देशभरमा १,२८३ जना सक्रिय संक्रमित भए पनि क्वाराइन्टाइनहरू सबै खाली छन् ।
