१७२ स्वर्ण पदकसहित त्रिभुवन आर्मी नवौं खेलकुद प्रतियोगिताको ‘च्याम्पियन’
कास्की । नवौँ राष्ट्रिय खेलकुदको पदक तालिकामा नेपाल भित्रुवन आर्मी क्लबको वर्चस्व कायम गर्दै ‘च्याम्पियन’ बनेको छ । आर्मीले १७२ स्वर्ण, ११० रजत र ८९ कास्य गरी ३७१ पदकसहित टिम च्याम्पियन बन्दै ट्रफी समेत उचालेको छ ।
दोस्रो स्थानमा रहेको सशस्त्र प्रहरीको एपीएफ क्लबले ६५ स्वर्ण, ७३ रजत र ८१ कास्य गरी २१९ पदक जितेको छ । नेपाल पुलिस क्बलले ६१ स्वर्ण, ६१ रजत र ७३ कास्य गरी १९५ पदक जित्दै तेस्रो स्थान हासिल गरेको छ ।
यस्तै गण्डकी प्रदेशले ३२ स्वर्णसहित १२०, बाग्मती प्रदेशले २४ स्वर्णसहित १४५, प्रदेश–१ ले १० स्वर्णसहित ८३, सुदूरपश्चिमले १० स्वर्णसहित ६३, एनआरएनएले १० स्वर्णसहित २६, लुम्बिनी प्रदेशले ६ स्वर्णसहित ६८, मधेस प्रदेशले ५ स्वर्णसहित ३९ र कर्णाली प्रदेशले २ स्वर्णसहित १८ पदक जितेका छन् ।
