फेसबुकबाट फेसबुक संस्थापक जुकरबर्गकै व्यक्तिगत डाटा चोरी
काठमाडौं, २९ चैत : फेसबुकका संस्थापक मार्क जुकरबर्गकै व्यक्तिगत डाटा समेत चोरी भएको छ । राजनीतिक परामर्शदाता एनालाईटिकाले प्रयोग गरेको ८ करोड ७० हजार मानिसको डाटामध्ये आफ्ना पनि परेको उनले अमेरिकी संसदको सदस्यहरुलाई बताएका छन् ।
अमेरिकी प्रतिनिधि सभाको उर्जा तथा वाणिज्य समितीका सदस्यको सामु उनले भने, ‘प्रत्येक पटक कोही प्रयोगकर्ताले जुन बस्तु शेयर गर्न इच्छा व्यक्त गर्छन्, उक्त शेयरमा शेयरकर्ताको नियन्त्रण रहन्छ ।’ मंगलबार उनले ५ घण्टासम्म अमेरिकी सांसदको जवाफ दिएका थिए ।
फेसबुकको प्रगतीबाट जुकरबर्ग साह्रै खुशी थिए ।
तर फेसबुकको डाटा चुहावट भएको र यसको अमेरिकी चुनावमा प्रयोग भएपछि फेसबुकको कार्यालयमा धेरै उथलपुथलको अवस्था देखिएको छ । न्यूजर्सीका प्रतिनिधि फ्यांक पालोनले सोधेका छन्, ‘फेसबुककै आफ्नो डाटामा नियन्त्रण छैन भने यसमा प्रयोगकर्ताको नियन्त्रण कसरी हुन्छ ?’
फेसबुक डाटा चुहावटमा करीब ८ करोड ७० लाख मानिस प्रभावित भएका थिए । सांसदहरुले यो कुरालाई सुनिश्चित गर्न आग्रह गरेका छन् । मंगलबार सिनेटको वाणिज्य र न्यायीक समितिमा पनि जुकरबर्गे फेसबुकका कारण भएको गडबडीको जिम्मा लिएका थिए । भारतमा आगामी चुनावमा पूरा शतर्कता अपनाउने उनले बताए । एजेन्सी
