मुचुल्कामा भन्दा बढी मत भेटिएपछि बाजुरामा रोकियो मतगणना
बाजुरा । प्रतिनिधि सभा तथा प्रदेश सभा सदस्य चुनाव अन्तर्गत बाजुरामा मुचुल्कामा भन्दा बढी मत भेटिएपछि मतगणना रोकिएको छ ।
बाजुराको हिमाली गाउँपालिका–६ धिम मतदान केन्द्रको मतगणनाका क्रममा मुचुल्कामा भन्दा बढी मत भेटिएपछि मतगणना रोकिएको हो । प्रतिनिधि सभाको मतगणना गर्दा मतदान अधिकृतले मुचुल्का गरेको भन्दा ४० मत बढी पाइएपछि मतगणना रोकिएको हो ।
पछिल्लो विवरण अनुसार कांग्रेसका बद्रि पाण्डेले ५ हजार ३९९ मत प्राप्त गरेका छन् । त्यस्तै उनका प्रतिस्पर्धी एमालेका कर्ण थापाले ४,१३० मतसहित पछ्याइरहेका छन् । पाण्डे र थापाबीचको मतान्तर १,२६९ रहेको छ ।