विश्वकपपछिको पहिलो खेलमा पीएसजीको जित, लडेको नाटक गर्दा नेयमारलाई रातो कार्ड
काठमाडौं । कतारमा जारी फिफा विश्वकपपछिको पहिलो पहिलो खेलमा लिग वानअन्तर्गतको बिहीबार राति भएको खेलमा स्ट्रासवर्गमाथि २–१ गोलको संघर्षपूर्ण जित हात पारेको हो ।
बिहीबारको खेलमा पीएसजीलाई जित दिलाउने क्रममा खेलको १४ औं मिनेटमा मार्किनसले गोल गर्दै अग्रता दिलाएका थिए । तर, खेलको ५१ औं मिनेटमा विपक्षी टोलीका खेलाडीले प्रहार गरेको बल पीएसजीका मार्किनसले नै राम्रोसँग बचाउन नसक्दा त्यसले गोलपोस्टको दिशा लिएको थियो ।
योसँगै खेल १–१ को बराबरीमा आइपुगेको थियो । खेलको ६२ औं मिनेटमा दोहोरो पहेलो कार्ड खाँदै पीएसजीका नेयमार मैदानबाहिर गएसँगै पीएसजी थप दबाबमा परेको थियो । खेल सकिन केही समय मात्र बाँकी रहेको अवस्थामा पाएको पेनाल्टीमा पीएसजीका केलियन एम्बाप्पेले गोल गरे र टोलीलाई महत्वपूर्ण ३ अंक दिलाए ।
योसँगै लिगको शीर्षस्थानमा रहेको पीएसजीले १६ खेलबाट ४४ अंक हात पारेको छ । दोस्रो स्थानमा रहेको लेन्सले समान खेलबाट ३७ अंक जोडेको छ ।
