प्यालेससँग लिभरपुलको निराशाजनक बराबरी
काठमाडौं । लिभरपुलको इङलिस प्रिमियर लिगको शीर्ष चारको प्रयासमा शनिबार थप कमजोर भएको छ । क्रिस्टल प्यालेससँगको खेलमा लिभरपुलले निराशाजनक गोलरहित बराबरी खेलेपछि लिभरपुल सातौं स्थानमा रह्यो ।
यस नतिजापछि उसको ३६ अंक भएको छ । शनिबारका अन्य खेलमा उपाधि होडमा रहेका आर्सनल र म्यानचेस्टर सिटी दुवै विजयी रह्यो । आर्सनलले लेस्टर सिटीलाई १–० ले हरायो भने सिटी बर्नमाउथमाथि ४–१ ले विजयी रह्यो । आर्सनल ५७ अंकमा शीर्ष स्थानमा रहेको छ भने उसको पछाडि सिटीको ५५ अंक छ ।
