बारा–२ : उपेन्द्र यादव ६ सय मतले अगाडि, जनमतका कुशवाहले पछ्याउँदै
बारा । बारा क्षेत्र नम्बर २ मा प्रतिनिधि सभा सदस्यको उपचुनावमा मतगणना चलिरहेको छ । अहिलेसम्म छ हजार सात सय ७४ मत गन्दा जनता समाजवादी (जसपा) का उपेन्द्र यादवको अग्रता कायमै छ ।
ताजा मत परिणामअनुसार यादवले दुई हजार छ सय मत प्राप्त गरेका छन् । उनलाई जनमत पार्टीका शिवचन्द्र कुशवाहालाई पछ्याइरहेका छन् । कुशवाहाले दुई हजार ६७ मत प्राप्त गरेका छन् । उनीहरूबीच झण्डै छ सयको मतान्तर रहेको छ ।
यस्तै नेकपा एमालेका पुरुषोत्तम पौडेलले आठ सय ६१ मत प्राप्त गर्दा राष्ट्रिय स्वतन्त्र पार्टी (रास्वपा) का रमेश खरेलले तीन सय तीन मत प्राप्त गरेका छन् ।
